A touz y cuex qi cestes lres (lettres) verront ou orront Rauf Baron de Stafford salutz en dieu. Sachetz no (nous) avons gnte (grante) & (et) done a
nre (nostre) ch (cher) cousin mestre Edmond de Mortayn un Tymbre qest le teste de un sengler noyr oue lun horaylle destre de blank
& (et) un labekyn de noyr & (et) un coronne dargent & (et) auxint avons done & (et) gnte (grante) al dit mestr (mestre) Esmond un bageys de
deux colos (colours) cestassav (cestassaver) de noyr oue deux bastons dargent. A avoir & (et) tenir al dict mestr (mestre) Esmond ses heyrs & (et) ses
assingnez p (pur) touz jours. Et no (nous) avantdit Rauf lavandit Tymbr (Tymbre) en manere susdit oue le avandit bageys al dit
mestre Edsmond ses heyrs & (et) ses assingnez garanterons a touz jos (jours). En tesmoignance de quels chose a cestes lres (lettres)
ovtz (overtz) avons mys nre (nostre) seal. Donez a Merston le xx jo (jour) de Janever. Lan du regne le Roi Edward tierz puis le conquest vintisme & (et) de France septisme.
Transcript after that provided in The New Palaeographical Society 1910, with some minor changes to accommodate my personal eccentricities of transcription.