Al thogh his lyfe be queyut the resemblaunce

Of him hath in me so fressh lyflynesse

That to putte othir men in remembraunce

Of his psone (persone) I have heere his lyknesse

Do make to this ende in sothfastnesse

That thei th (that) have of him left thought & (and) mynde

By this peynture may ageyn him fynde.

 

The ymages th (that) in th (the) churche been

Maken folk thenke on god & (and) on his seyntes

Whan the ymages thei be holden & (and) seen

Were oft unsyte of hem causith restreyntes

Of thoughtes gode whan a thing depeynt is

Or entailed if men take of it heede

Thoght of the lyknesse it wil in hym brede.

 

Yit some (somme) holden oppynyon and sey

That none ymages schuld I maked be

Thei erren foule & (and) goon out of the way

Of trouth have thei scant sensibilite

Passe ov (over) th (that) now blessid trinite

Uppon my maistres soule mcy (mercy) have

For him lady eke th (thy) mcy (mercy) I crave.

 

More othir thing wolde I fayne speke & (and) touche

Heere in this booke but schuch is my dulnesse

For that al voyde and empty is my pouche

That al my lust is queyut w (with) hevynesse

And hevy spirit commandith stilnesse.